Kabanata 1467

Sumagot si Shedrick, “Mukhang totoo nga ang sabi nila, mas gumagaling lamang ang mga artista kung naranasan na nila mismo ang mga eksenang ginagawa nila. Siya nga pala, dahil wala ka rin namang pagtutol, pababalikin ko na si Cindy, ha? Sasabihin kong sa’yo mismo iyon nanggaling.”

“Ang galing mo talagang ipasa sa’kin ang sisi, ‘no?” Panunuya ni Chester.

“Ahem, ano pa ba’ng magagawa ko? Alam naman ng lahat na kayo na ang para sa isa’t isa. Papaano ko siya pakakalmahin?” Nahihiyang sagot ni Shedrick. “Bakit hindi na ikaw mismo ang magsabi sa kanya?”

“Hindi na, at ayoko rin namang magsabi ng ganyang klaseng balita sa kanya.”

Agad na binaba ni Chester ang tawag.

…

Doon sa mismong set.

Pagkatapos kumain ni Eliza ay napasandal ito sa kanyang upuan upang magpahinga.

Mabilisan siyang pinayuhan ni Leanne. “Huwag ka nang magpahinga. Magsisimula na ang shoot ngayong hapon. Bagama’t napabilib mo si Director Cheever sa shoot kaninang umaga, ayaw niya pa rin sa mga isnaberang artista.”

“Kung