Kabanata 1217

Hindi maunawaan ni Shaun ang tumatakbo sa isip ni Catherine.

“Tara na?” Hindi pinansin ni Catherine ang malungkot na tingin ng mga mata ni Shaun at siya’y pumasok sa sasakyan ni Wesley habang hawak ang kamay nito.

Kumurba sa isang ngiti ang manipis na labi ni Wesley. Ipinagbuksan niya ng pinto si Catherine at isinaayos niya ang seatbelt nito.

Sila ang mukha ng mag-asawang nagmamahalan.

Sa matinding galit ni Shaun ay nahampas niya ang itaas na bahagi ng kanyang sasakyan.

Makalipas ang ilang mga sandali ay umalis na ang sasakyan ni Wesley.

Mahigpit na hinawakan ni Wesley ang kamay ni Catherine. “Natutuwa ako, Cathy. Akala ko’y pipiliin mong makasama sina Lucas at Suzie.”

“Sa totoo lang ay gusto ko sana, ngunit kailangan din silang panindigan ng kanilang ama.”

“Totoo rin naman ‘yun.” May kumislap sa mga mata ni Wesley. “Siya nga pala, ano’ng nangyari sa aksidente kanina?”

“Napagkamalan daw ng driver na brake ‘yung accelerator.” Galit ang itsura ni Catherine sa muling pagbanggit n