Chapter 42

Habang abala silang tatlo sa pag-uusap at pagtatawanan, may paparating na isang lalaki mula sa di kalayuan. Halata ang pagka-busy nito sa pagbibisikleta papunta sa kanila. Nang mapansin ni Darrius ang parating na tao, agad niya itong nakilala.

"Si Mark," bulong ni Darrius kay Kariel.

“Aba'y saan na naman niya dinekwat ang bisikletang iyan?” natatawang bulong ni Kariel sa kanya. Napakibit-balikat na lamang siya bilang tugon.

Nang makarating si Mark malapit sa kanila, agad itong bumaba mula sa bisikleta at inilapit ang sarili sa grupo.

“Good morning, boss!” sigaw ni Mark na tila may halong biro habang inaalis ang sumbrero nito at naglalakad papalapit sa kanila.

“Saan mo ba kinuha iyang bisikleta? Pagising ko kanina wala ka, saan ka ba pumunta?” tanong ni Darrius sa kanyang assistant.

“Ahh…nagpahangin lang po ako boss,” sagot naman nito. Ngumiti na lamang si Darrius saka tumango.

"Hi, Kiarah! Ikaw na naman ang kasama nila?" nakangiting bati ni Mark kay Kiarah, na noong una’y mukhang ma