chapter 43

Mabilis na lumipas ang mga araw sa nayon para kina Kariel, Darrius, at Mark. Ang dalawang linggong pananatili nila ay napuno ng masasayang alaala—mula sa mga kwentuhan sa tabing-ilog, hanggang sa simpleng pamumuhay kasama ang mga bagong kakilala tulad ni Kiarah para kay Kariel. Si Kariel, na hindi sanay sa mga simpleng bagay, ay tila natuto na ring mahalin ang katahimikan ng bukirin. Samantalang si Kiarah, na noong una'y tila malamig sa pakikitungo, ay naging isang matalik na kaibigan ni Kariel.

Habang nag-aayos na ng mga gamit si Kariel sa kanyang silid, ay pumasok si Darrius para tingnan at tulungan siya.

“Tapos ka na ba?” bungad at tanong ni Darrius nang makapasok ito sa kubo. Nilingon niya ito at nginitian.

“Ah, oo patapos na rin ako,” sagot ni Kariel.

"Dalawang linggo na pala ang lumipas. Parang ang bilis," ani Kariel habang sinisiksik ang huling piraso ng damit sa kanyang bag. Lumapit si Darrius para tulungan siyang mag-impake ng kanyang maleta.

"Oo nga, pero masaya