Chapter 40

Mahimbing nang natutulog si Kariel sa loob ng kubo. Pagkatapos kasi nilang ihatid si Kiarah, ay hindi na sila naghapunan, dahil busog pa naman sila. Hindi na rin siya nagpahatid pa kay Darrius sa tinutuluyan niya. Dahil sa pagod ay agad rin siyang nakatulog ng mahiga na siya higaan niya.

Ngunit naalimpungatan siya nang makaramdam siya ng kaluskos mula sa labas ng kubo.

Dahan-dahan niyang iminulat ang kanyang mga mata at tumikhim, pinakikiramdaman niya muna ang ingay sa labas.

“Yamz,” mahinang tawag sa kanya. At doon niya napag-alamang si Darrius ang nasa labas. Agad siyang bumangon at bumaba sa kanyang higaan para pagbuksan ito.

“Darrius?” pabulong na ani Kariel nang buksan niya ang pinto. At saka iniunat-unat ang sarili.

“Sorry, nagising ba kita?” tanong ni Darrius, nang makapasok ito. Agad naman niyang isinara ang pinto.

“Hindi naman. Anong ginagawa mo dito?” tanong ni Kariel, saka humakbang pabalik sa higaan.

Huminga nang malalim si Darrius bago sumagot. “Naalala ko lang kasi…