Chapter 3: After the Night

Isla’s POV

Napahawak ako sa ulo nang makaramdam ng sobrang sakit—parang binabasag. Eto na ba ang sinasabi nilang hangover? Kung gano’n, ayoko na po, Papa G!

Nakapikit pa rin ako, pero gising na ang buong diwa ko. Anong oras na ba? Bakit parang hindi pa tumatawag si Therese? At ano ba itong mabigat na nakapatong sa may puson ko?

Agad akong napamulat nang maramdaman ang isang mainit na hininga sa leeg ko. Pagmulat ko ay halos masilaw pa ako sa sinag ng araw na lumulusot sa bintana.

“What the flying fuck?”

Parang hihimatayin ako! What the hell? What did I do? Nakasuot ako ng isang malaking t-shirt, pero wala na akong kahit anong underwear. At may guwapong nilalang pa na nakahiga sa tabi ko.

Pumikit ako at pilit na inalala ang mga nangyari. Kung paano naging lugar ng bakbakan ang kama at kung paanong halos tumagos sa pader ang mga ungol ko. Nakakahiya! Hindi naman ako lugi kasi guwapo siya, pero kasi… huhu, first time ko!

Wala na ang iniingatan kong puri, dahil sa kapabayaan, nabigay ko lang kung kanino. Kaya nga pinagpalit ako ni Joseph dahil hindi niya ako magalaw, tapos ngayon, magpapalapa rin pala ako sa iba.

Maingat kong inihiwalay ang sarili sa lalaking katabi ko—siya ‘yung crush ko sa bar. Hindi ko naman akalain na malalasap ko talaga siya! Infairness, yummy!

Sinuot ko ang underwear at dress na suot ko kagabi. Buti naman at nasa isang gilid lang lahat ng gamit ko. Napangiti ako, at least may pake ‘tong si pogi sa akin, hindi lang puro bayo. Kaya bago ako umalis, nagpahabol pa ako ng halik sa kanyang labi.

Tahimik ang naging galaw ko, pati ang pagsarado sa pinto. Ayoko siyang magising, hindi ko alam kung paano siya haharapin.

Nang makalabas ako, doon lang ako nakahinga nang maluwag. Napatingin ako sa katabing room namin dahil saktong lumabas din ang isang babaeng kaedad ko.

“So, you’re awake na pala? Ang lakas ng ungol mo kagabi, parang ayaw mong magpatulog sa inggit. Sana all binayo ng pogi,” sunod-sunod niyang sabi.

OMG!!! Lupa, lamunin mo ako, gawin mo na lang akong isang kamote. Nilingon ko siya at awkward akong ngumiti. Hindi ko na matiis ang hiya, kaya kumaripas agad ako ng takbo papunta sa elevator.

Hinanap ko agad ang aking cellphone sa bag at nakitang may ilang missed calls na si Therese, ang sekretarya/BFF ko. Buti na lang, 8:30 a.m. pa lang, at makakahabol pa ako sa appointment ng client ko mamayang ala-una.

“Hello, bruha! Buti naman at naisipan mo pang sumagot? Akala ko nalunod ka na sa lungkot dahil sa hiwalayan niyo ni Joseph. Kulang na lang ay humanap ako ng nagtatawas at baka ginayuma ka lang ng mokong na ‘yon,” walang-hingang sambit niya pagkasagot ko sa tawag.

“Chill! I’m okay. Uwi lang ako at ligo, tapos diretso na ako riyan.”

“Anong uwi? Hoy, babae! Saan ka galing, aber? Don’t tell me naghanap ka ng mga hot papa? Bakit hindi mo ako sinama, gaga ka? Ang tagal ng hindi nadidiligan ang pechay ko,” reklamo niya, pero hindi ko na pinatulan pa. Kung alam niya lang…

“Basta, kwento ko mamaya. O siya, pauwi na ako. See you!”

Matapos kong balikan ang kotse ko sa bar, dumiretso na ako ng uwi. Agad akong naligo at napansin ang dalawang chikinini sa leeg ko, marami pa sa may bandang s*so. Sobrang sakit din ng ibabang parte ko, buti na lang nga nagawa ko pang makalakad. Nakakadagdag din ng hiya ang ginawa ng babaeng nakausap ko kanina.

Naghanap ako ng maisusuot at pinili ang isang puting turtleneck na top at pinartneran ng fitted na palda. Kailangan kong maitago ang mga marka na ‘to. Grabe naman kasi manggigigil si pogi.

Pagdating ko sa aking sariling kumpanya, binati agad ako ng mga nakasalubong kong empleyado.

Ako ang may-ari ng Atelier Lumière, na sikat ngayon sa buong Pilipinas. Medyo malaki ang kumpanya ko, sapat para sa mga showroom, talyer, at workshop na kailangan ng isang fashion design company. Ang aking brand ay kilala sa pagiging stylish at modern na may halong creative at elegant.

“Hoy, bakla ka! Taray, may pa-turtleneck? Parang ang lamig sa Pinas ah?” Biglang sulpot ni Therese sa harap ko.

Inirapan ko siya at binuksan ang laptop ko, kung saan bumungad ang wallpaper namin ni Joseph. Mapait akong ngumiti bago pinalitan ito ng litrato ng isang kulay-orange na pusa.

“Alam mo, mabuti pa, ikuha mo muna ako ng kape,” utos ko sa kanya.

“Nagpatimpla na ako kanina kay Cecille—oh ayan na pala siya.” Kinuha niya ang kape at nilapag sa mesa ko. “So ano na nga? Huhulaan ko na lang ba ang nangyari?”

“Te, hindi na ako virgin!” Sumbong ko habang nakatakip ang dalawang kamay sa mukha ko.

“For real?!” Sabay na tanong ni Therese at Cecille.

Hindi ko alam kung matatawa ako sa ekspresyon ng mga mukha nila. Parehas silang nakanganga na parang papasukan ng langaw. Kinuwento ko ang mga pangyayari, at mas lalong hindi na sumara ang panga ng dalawa.

“Teka, wait! Masarap ba kumain?”

“Malaki ba?”

“Talagang ‘yan ang concern niyo?” Tanong ko, sabay inom ng mainit na kape.

“Haler, 24 ka na kaya. Ano bang gusto mo? Mamatay kang virgin?” Asik ni Therese.

“Hindi naman,” sagot ko, “pero siyempre, gusto kong ibigay ‘to sa mapapangasawa ko. Kaya nga hindi ko binigay kay Joseph dahil hindi naman niya ako inaayang kasal,” dagdag ko.

“Aysus! Maria Clara? Hindi na uso ‘yan. Pag ang lalaki, ayos lang kahit sino ang matikman, dapat tayo rin! Isa pa, wala ka namang sabit,” usal ni Cecille habang nagkrus ang mga braso.

“Sabagay… pero, eto na nga, guwapo, macho, at malaki ang alaga niya, mga te! Masarap pa mag-romansa at s******p.”

Naghiyawan kami sa office at napuno ng tuksuhan ang buong kwarto. Nagbiro pa ang dalawa na magbar kaming tatlo.

“Siya nga pala, Isla. Galing dito kagabi si Don Pedro. Hinahanap ka, kasama ang kapatid mo at ang ex mong bulok. Pinapasabi rin na umuwi ka sa mansyon dahil kung hindi, isasanla niya raw lahat ng ari-arian ni mader mo.”