Kabanata 27

Totoo ngang paglipas ng 5 araw ay bumalik muli si Jed dito sa isla.

Kung makaasta ito ay parang walang nangyari, na para bang hindi iniinda ang sakit ng mga ipinapakita ko sa kanya.

“May balita na ba kay Joaquin?” tanong ni Nanay habang kinokolekta ang mga isdang ibinilad niya.

Pagkatapos naming bumalik dito sa isla ay naging bukambibig na ni Nanay at Ali si Aki. Nauubusan na ako ng palusot at paliwanag sa anak ko para pagtakpan si Aki.

Hindi ko na rin alam kung ilang linggo na nga ba ang nakalipas simula nang huling pag-uusap namin ni Aki.

Para na lang siyang bulang biglang naglaho pagkatapos ng mga pangyayari rito.

Ilang beses kong pinagtangkaang tawagan ang numero ni Aki pero sa huli’y ‘di ko itinutuloy dahil sa dami ng rason na naiisip ko.

Una, sinugod ako ni Solange dahil kay Aki kaya ayoko nang dagdagan pa ang galit niya. Iniisip ko rin na baka inaayos nila ngayon ang pamilya nila, isa pa naaksidente ang