Kabanata 26

Naging tahimik ang ilang araw namin na nandito sa isla. Walang Jed o Aki na nanggulo at nagparamdam.

“Nanay, susunduin mo na po ba si Tatay?” usisa ni Ali habang pinapanood akong nag-aayos.

Napagpasyahan kong bumalik ng siyudad at sa Bar para makapagpaalam ng mas maayos na aalis na ako nang tuluyan sa trabaho. Siniguro muna ni Winnie na wala roon si Jed o kahit na sinong kasali sa aming gulo.

Sa ilang araw din namin sa isla ay naging bukang bibig na ni Ali ang tungkol sa kanyang tatay. Palagi ko lamang itong sinasagot na masyadong abala si Aki kaya huwag na niyya itong hanapin.

Hindi ko kayang magpikit mata na lamang sa lungkot at pangungulila na ipinapakita ng anak ko sa tuwing sasabihin kong abala ang kanyang tatay. Maging ako ay nasasaktan para sa kanya dahil sa kaprasong oras lang ay malalim na agad ang kanilang naging relasyon.

Sinalubong ako ni Winnie sa labas ng Bar para daluhan sa pagpasok sa loob ng opisina ni Sir Gio. Hindi ri