Kabanata 25

Ilang araw ko na napapansin na napakatahimik ng paligid ko. O tanging ako lang ang nakakaramdam no’n dahil para sa kanila ay normal na araw lang naman sa trabaho? Baka masyado lang akong naaapektuhan sa mga nangyayari?

“You seem a little bit off this past few days? Ayos ka lang ba?” tanong ni Sir Jed habang kumakaway sa harap ng mukha ko.

Kasalukuyan kaming nagmemeryenda ngayon dahil muling bumisita si Sir Jed sa Bar. Hindi na rin sikreto pa sa kanila ang panliligaw ni Sir Jed sa akin kaya hindi na nila ipinagtataka ang mga ganitong eksena.

“Sorry,” iyan na lang ang tangi kong nasabi sa kanya.

“Do you wanna go somewhere else? Hindi ka ba komportable rito?” nag-aalalang tanong niya, hindi pa rin binabago ang distansya sa aming dalawa. Lalo akong hindi makapagsalita kapag ganito siya kalapit sa akin.

“Hindi, ayos na rito,” untag ko. Tumango naman ito at bumalik sa pagkakasandal sa kanyang upuan. Sa wakas ay napakawalan ko rin ang hiningang kanin