Kabanata 30

Hindi ako nagkamali sa hinala ko, nang gabing iyon rin ay tumawag sa akin si Winnie dahil pinuntahan daw siya ni Aki para hanapin ako.

Mahigit isang linggo na rin nang umalis ako sa lugar na iyon. Hanggang ngayon ay sariwa pa rin sa’kin ang mga pangyayari noong araw na iyon.

“Nanay kailan ulit pupunta rito si Tatay?” sa loob din ng isang linggo ay madalas akong kinukulit ng anak ko tungkol kay Aki.

Hindi ko na alam anong isasagot ko sa anak ko, nauubusan na naman ako ng ipapalusot sa kanya.

Hindi na naging mahirap para sa’kin na taguan si Aki dahil nagsisimula na ang trabaho ko kila Miuki.

“Kari, napapagod na ‘ko sa pagsisinungaling kay Joaquin, ha?! Kapag hindi mo pa sinabi sa’kin ang nangyayari ilalaglag na kita,” dito naman sa mga banta ni Nanay ako hindi makatakas.

Siniguro kong nasa malayo ang anak ko at hindi maririnig ang pag-uusapan namin.

“Ano ba ang nangyayari sa inyong d