KABANATA 16:

Hawak-hawak ni Ares ang kamay ko kaya medyo gumagaan ang pakiramdam ko habang kaharap namin sa hapag ang parents n’ya.

“Pasensya na po kayo kung ngayon lang po namin ipinaalam ang relasyon namin”pahayag ni Ares.

“Hindi iho, alam naman namin gusto n’yo na munang mag-solo.It’s nice na ‘din na minadali mo itong pagpagawa ng resthouse para sainyong dalawa”nakangiting tugon ng Mama n’ya.

Nakikita ko naman na sobrang bait ng mga magulang n’ya kaya medyo humupa na ang kaba ko.

“Naging kampante ako dahil apo ka pala ni Manang Beth, naging guro ko s’ya noon kaya naging malapit ako sa kaniya pati na ‘din ang anak kong si Ares”baling na sabi sa’kin ng Papa ni Ares.

Ngumiti ako bilang tugon dito,hindi ko alam pero parang may batong dumagan sa dibdib ko kaya napakabigat ‘non.

Sana talaga ako na lang si Maria para naging ganito kadali ang lahat para sa’min ni Ares. Bawat araw ang lumilipas hindi na ako nagiging masaya dahil palagi akong hinahadalagan ng kasinungalingan ko.

“May sasabihin ‘din po ka