Kabanata 075

Ibang-iba na ang itsura ni Charlotte ito ang unang beses na nakita ko ulit siya makalipas ang ilang taon mula ng pagtaksilan nila ako ni Michael. Humaba ang buhok niya, blonde ang kulay nito at may hikaw na siya sa kanyang dila. Kapansin-pansin din ang hikaw niya sa kaniyang pusod dahil sa suot niyang hanging blouse na tinernuhan niya ng maiksing short. Ang dami na niyang aksesorya sa kaniyang katawan. Pisturang-pistura ang kaniyang mukha. Hindi man kakapalan ang kaniyang make up pero kapansin pansin na tila nagpagawa ito ng kaniyang ilong dahil sa kakaibang tangos nito mula sa kaniyang normal na tangos ng ilong.

“Aba Kate ganyan ba ang tamang pagpapakilala sa kapatid mo sa gwapong lalaking kasama mo?!” Malanding sabi nito , akmang hahawakan pa niya si James pero umiwas ito.

Walang gana kong pinakilala si James dito. “Charlotte ito si James asawa ko! James si Charlotte kapatid kong babae, mama ni Amara” nakaismid man ang mukha kong sabi sa nanlalagkit na tingin ni Charlotte kay Ja