Kabanata 333

Huminto si Xena at bumuntong hininga bago siya nagpatuloy na magsalita, "Hay, napakabayolente talaga ni Fane. Pinatay niya ang mga taong yun dahil lang sa pera. Anong mangyayari sa'tin kung may magawa tayong mali sa kanya sa hinaharap? Ganoon din kaya…" hindi na nagpatuloy si Xena pero malinaw sa iba ang ibig sabihin nito.

Nagkatinginan sina Fiona at Ben at kinilabutan silang dalawa. Totoo na pumatay nga si Fane ng tao para sa pera at sumobra na siya. Kung sinaktan siya ng mga ito, dapat turuan lang niya sila ng leksyon.

Ngunit, kung alam lang nila ang tunay na sitwasyon na may tumutok ng baril kay Fane ay hindi sila mag-iisip ng ganito.

"Totoo na mainitin ang ulo ni Fane, sinaktan niya rin si Young Master Clark nang walang paliwanag! Buti na lang walang sinabi si Young Master Clark dahil natatakot siya na mawala ang kanyang dangal pag sinabi niya sa pamilya niya ang tungkol doon!" Kumunot ang noo ni Ben at humithit ng sigarilyo. "Kailangang kontrolin ni Fane ang galit niya. Lalo