Chapter 65: Attention

INUBOS nina Adeline at Drake ang maghapon sa paglilibot sa buong resort. Nasa silid na sila nang tumawag sa kaniya si Sofia gamit ang cellphone ng yaya.

[Mama, maganda diyan po?]

Napangiti si Adeline. Nakaupo siya sa kama habang kausap ang anak. Nasa kwarto ito ng yaya nila at nasa likuran nito si Dylan na tahimik at tila ba nagmamasid sa lugar na kinaroroonan ni Adeline.

“Maganda dito, baby. Kapag bakasyon na kayo ni kuya, dadalhin namin kayo dito.”

[Talaga po, mama? Si papa din po?]

Napalunok si Adeline. Talaga ngang pinanindigan ni Drake ang pagbibigay ng pangalan sa kaniyang anak dahil sinabi rin nito sa bata na tawagin siyang ganoon.

Sukat ay sumulpot sa likuran ni Adeline ang asawa. Basa pa ang buhok nito na tinutuyo ng maliit na tuwalya habang nakatapis lang sa baywang. Lantad ang maganda nitong katawan at pakiramdam ni Adeline ay nagmumukha na siyang kumain ng siling labuyo.

“Sa bakasyon niyo, pupunta tayo dito. Kaya galingan niyo sa school,” ani Drake sa seryoso ngunit