Chapter 66: Moonlight

NAGPAALAM si Adeline na lulubog sa tubig dagat ngayong gabi habang si Drake ay nasa silid ni Gabriel. May pag-uusapan lang daw ang dalawa at hindi na inusisa ni Adeline.

Suot ang isa pang pares ng two piece ay lumabas siya ng silid.

Malakas ang hangin, presko, at sumasayaw sa bawat hampas nito ang kaniyang buhok.

Nasasabik si Adeline na magbabad dahil ngayon na lamang ulit siya nakapunta sa ganitong lugar. Nang makarating sa dalampasigan ay hinubad niya ang cover-up na suot saka inilapag sa buhangin kasama ang tuwalya at tsinelas na hinubad.

May ilang naliligo pero malayo sa kaniya at pinili niya ang medyo madilim na parte dahil ayaw niyang maistorbo.

“Ah! Heaven!” Sumilay ang matamis na ngiti sa mga labi ni Adeline nang lumubog sa tubig ang kaniyang katawan.

Dumako siya sa medyo malalim na parte saka doon lumubog at lumangoy-langoy. Inilubog niya sa tubig ang buo