Chapter 5

CHAPTER 5

Nang gabi na iyon ay inabangan na ng mag asawang Ramon at Cheska ang anak nila na si Trina na maka uwi. Kailangan na kasi din nila etong maka usap para ipaliwanag ang sitwasyon ng kumpanya nila.

Pagkapasok ni Trina ng kanilang bahay ay agad nyang nakita ang kanyang ina na nasa sala habang nanonood ng TV.

"Hi mom," bati ni Trina sa ina ng makalapit sya dito at humalik sa pisngi ng ina.

"O andyan ka na pala Trina. San ka ba nanggagaling ha? Kagabi hindi ka rin umuwi," malumanay na sabi ni Cheska sa anak.

"Sorry mom kung hindi po ako nakapagpa alam sa inyo kagabe. Pumunta lang po ako kay Karen kagabe at dun na rin po ako natulog. Kanina naman po ay namasyal naman po kami ni Dave," sagot ni Trina.

"Ah ganon ba. Trina anak gusto ka sana namin maka usap ng daddy mo," sabi ni Cheska.

"Tungkol po saan mom?" tanong ni Trina.

"Halika dun tayo sa library ng daddy mo. Kanina ka pa rin nya hinihintay," sagot ni Cheska at iginiya pa nya si Trina papunta sa library ng kanilang bahay kung saan may opisina din doon ang kanyang asawa.

Nagpatianod naman si Trina sa kanyang ina. At nang makapasok na sila sa library ay nakita nya kaagad ang kanyang ama na nagbabasa doon ng mga papeles.

"Hi dad," bati ni Trina sa ama at lumapit din sya rito upang humalik sa pisngi neto.

"O Trina mabuti naman at nakauwi ka na. Kanina ka pa namin hinihintay," sagot ni Ramon.

Umupo naman na muna si Trina sa sofa bago nagsalita. "Tungkol po ba saan ang sasabihin nyo sa akin ni mommy? Bakit parang seryosong seryoso po yata kayo."

Tiningnan muna ni Ramon ang kanyang asawa at ng tumango eto ay huminga muna sya ng malalim. "Trina anak ano kasi... Nagkakaproblema kasi ang kumpanya natin dahil nag aalisan na ang iba nating mga investors at maaaring magsara ang ating kumpanya ng dahil doon."

Nagtataka naman na nakatingin si Trina sa kanyang mga magulang. Nagtataka sya kung bakit kailangan pa etong sabihin sa kanya ng mga eto gayong hindi naman sya nagtatrabaho sa kanilang kumpanya.

"Ano naman pong kinalaman ko sa kumpanya?" tanong ni Trina.

"Anak maaari kasi tayong tulungan ng tito Clint mo," sabi pa ni Ramon.

"Si tito Clint ang daddy ni Dave?" Tanong ni Trina.

"Yes anak. At may hinihingi silang kapalit sa pagtulong nila sa ating kumpanya," sagot pa ni Ramon.

"At ano naman pong kapalit?"

Bumuntong hininga muna si Ramon dahil nahihirapan syang sabihin kay Trina ang tungkol dito dahil alam na din nya ang ugali ng anak nya at alam nyang tututol eto.

"Anak gusto nila na maikasal si Dave sa ate Aira mo," diretsahang sagot ni Ramon.

Napa awang naman ang labi ni Trina sa pagkagulat. "What? Ano pong sabi nyo si ate Aira ipapakasal kay Dave? No way."

"Anak pasensya ka na. Kailangan nating ibigay ang gusto nila para tulungan nila na makaahon ulet ang ating kumpanya," sabi pa ni Ramon.

"No dad. Hindi ako makapapayag. Boyfriend ko si Dave at nagmamahalan kami tapos ipapakasal nyo sya kay ate Aira," galit na sigaw na ni Trina sa kanyamg magulang.

"Trina please kahit ngayon lang kami naman ang pagbigyan mo," sabat na ni Cheska sa kanyang mag ama.

"Mom sana intindihin nyo rin po ako. Ako ang girlfriend ni Dave dapat kami ang ikakasal at hindi si ate Aira," umiiyak na na sagot ni Trina.

"Sorry anak. Wala na kaming ibang choice kundi ang ibigay ang gusto nila. Saka sila mismo ang humiling na ang ate Aira mo ang maikasal kay Dave. Please anak sana maintindihan mo naman kami," paliwanag pa ni Ramon.

"Pero paano naman po ako. Mahal na mahal ko si Dave. Hindi ko sya kayang bitawan ng ganon ganon na lang kadali. Bakit si ate Aira? Bakit hindi na lang ako?" sagot pa ni Trina na patuloy pa rin na umiiyak.

Habang nag uusap naman sila ay dumating na din si Aira sa library. Kanina pa dapat sya doon kasama ng kanyang mga magulang kaso ay naka idlip sya.

Pagkapasok ni Aira sa library ay agad nabaling ang tingin sa kanya nila Trina.

"Ate please wag kang pumayag. Please alam mo naman kung gaano ko kamahal si Dave diba. Please ate," pagmamakaawa ni Trina sa kanyang ate Aira.

"Sorry Trina. Kahit ako ay wala rin akong magawa kundi ang sumunod na lang din sa gusto nila. We have no choice Trina. Kailangan ng tulong ng kumpanya mula sa pamilya nila Dave," naiiyak na rin na sagot ni Aira sa kapatid.

"Please Trina kahit ngayon lang sana maintindihan mo naman kami. Kahit ngayon lang anak kami naman ang pagbigyan mo," sabat na rin ni Cheska.

"No mom. Ayoko hindi ako makapapayag na paghiwalayin nyo kami ni Dave. Kami ang magpapakasal ni Dave at hindi si ate Aira," matapang na sagot ni Trina at dali dali na etong lumabas ng library at dumiretso sa kanyang kwarto.

Napabuntong hininga naman si Ramon dahil sa nangyare. Kahit sya ay nahihirapan din naman sa sitwasyon nila ngayon. Ayaw nyang magkagalit ang kanyang mga anak. Kung hindi lang talaga kailangan ng kumpanya ang tulong mula kay Clint ay hindi naman nya pakikialaman ang buhay pag ibig ng kanyang mga anak. Ngunit wala syang magawa ngayon kundi ang kumapit sa patalim kailangan nyang ibigay ang gusto nila Clint alang alang sa kanilang kumpanya dahil hindi lang naman ang pamilya nya ang maaapektuhan oras na magsara ang kanyang kumpanya kundi pati na rin ang marami pa nyang mga empleyado.

"Pano na po yan mom, dad?" malungkot na tanong ni Aira sa kanyang mga magulang.

"Hayaan mo at kakausapin ko na lang ulet si Trina. Paliliwanagan ko sya ng maayos para maintindihan nya ang sitwasyon natin ngayon," sagot ni Cheska.

"Sige na anak. Magpahinga ka na muna. Kami na ang bahala ng mommy mo. Basta ihanda mo na lang ang sarili mo dahil gaya ng sabi ko sayo anomang oras ay makikipag usap na ulet tayo sa pamilya ng tito Clint mo para masettle na natin ang kasal nyo ni Dave," sagot ni Ramon.

Tumango tango naman si Aira bago lumabas ng library at dumeretso na sa kanyang kwarto. Mabigat man sa loob nya na sundin ang gustong mangyari ng mga magulang ni Dave ay wala na rin naman syang magagawa.