Chapter 80

Chapter 80 – Meet my Parents.

So, kami na ni Trevor. Boyfriend ko na siya! Pero come to think of it! Parang ako ang nagtapat kay Trevor ng aking damdamin. Wala namang masama. Tinulak ko lang siya sa right direction. Naging maganda naman ang resulta!

Two months na kaming mag-on ni Trevor. Sa loob ng dalawang buwan na iyon ay ipinakita ni Trevor kung gaano niya ako kamahal. Madalas na niya kaming dalawin ni Steven. Sumasama rin siya sa amin ni Steven kapag nagsisimba kami tuwing Linggo. Lagi rin niya akong tinatawagan tuwing gabi dahil ayaw daw niya akong malungkot. Wala naman kaming masyadong pinag-uusapan. Pagkatapos naming mag-usap, hindi nawawala ang “I love you, Megan!”

Dahil kami na nga ni Trevor, binangit ko sa kanya nais ko siyang ipakilala sa aking mga magulang. “Ano??? Ipapakilala mo ako sa mga magulang mo? Di ba sa Tondo sila nakatira? Nakakatakot pumunta doon! Maraming mga siga doon!” takot na sabi ni Trevor.

“So, ayaw mo?” galit kong sabi. “Kung ayaw mo, e di huwag!”