Chapter 84

Chapter 84 – Nakabibinging Ungol!

Kinahapunan ay nagdinner kami sa Le Chef restaurant na nasa loob din ng hotel. Pagkatapos kumain ay inikot namin ang paligid ng Manor Hotel. Dahil pasko, ang buo paligid ng hotel ay napapalibutan ng sangkatutak na makukulay na christmas lights. Tuwang-tuwa si Steven sa mga nakikita niyang kumukutitap na mga ilaw. Pinuntahan din namin ang bonfire na isa sa mga highlights ng hotel. Noon lang kasi nakakita ng malaking bonfire si Steven.

Alas-onse na ng gabi ng makabalik kami sa aming mga kuwarto sa hotel. Inasikaso ko muna si Steven sa kuwarto nila ni Ate Rose bago ako pumasok sa kuwarto namin ni Trevor. Nadatnan ko si Trevor na nanood ng TV. “Okay na si Steven?” tanong ni Trevor.

“Oo, inaantok na.” sabi ko. Pumasok ako sa banyo upang maghilamos at magtoothbrush. Paglabas ko ay nanonood pa rin si Trevor ng TV kaya nahiga ako sa kabilang kama.

“Bakit ka dyan humiga? Dito ka sa tabi ko!” sabi ni Trevor.

Lumipat ako ng kama at tumabi sa kanya. “Kaya