Chapter 3. Third Wheel

HYDER'S POV

"Mabuti naman iha, napabago mo ang isip ng anak ko" masayang wika ni daddy kay Jihan habang pinagsasaluhan namin ang tanghalian.

Nandito ang pamilya ni Jihan para pag usapan ang kasal namin.

Nagkatinginan kami ni Jihan at binigyan namin ng matamis na ngiti ang isa't isa.

Muling tumingin si Jihan sa aking ama.

"Naipaliwanag ko po kasi kay Hyder ng mabuti. Naiintindihan naman po nya kaya pumayag na rin po sya kalaunan" nakangiting wika naman ni Jihan.

"Pagkatapos ng kasal nyo, bigyan nyo ako ng maraming apo ha" ani daddy kaya bigla akong nasamid at napaubo.

"Iho okay ka lang ba?" tanong ng ina ni Jihan sa akin.

"Okay lang po ako" sagot ko at kinuha ang isang baso ng tubig na inabot Jihan.

Nang maayos na ang pakiramdam ko, hinawakan ni Jihan ang kamay ko at muling hinarap ang aking ama.

Parang may kuryenteng dumaloy sa katawan ko nang magdikit ang aming mga palad.

Ngayon ko na lang ulit naramdaman ang palad nya.

"Tito...." tawag ni Shin sa aking ama.

"Dad, call me dad iha" pagtatama ng aking ama.

"Okay po dad. Plano po kasi namin ni Hyder na magtayo muna kami ng bagong business pagkatapos ng kasal. Kaya kung mamarapatin po ninyo, iyon na lang po muna ang uunahin namin bago kami bumuo ng pamilya" ani ni Shin sa aking ama.

Pasimple nya akong sinulyapan at kinindatan.

Naunawaan ko naman agad ang ibig nyang sabihin.

"Yes dad. Family business naman ang gagawin namin para rin sa future namin ni Jihan., na magiging asawa ko at sa magiging anak ko" wika ko kay daddy.

"Balae, pagbigyan mo na sila. Pasasaan ba at magkakaanak rin naman sila" pakli naman ng Daddy ni Jihan.

"Okay, kung yan ang gusto nyo. Iyon ang masusunod. Sabagay makikita ng mga magiging anak nyo ang pinagpaguran nyo" pagpayag naman ni daddy.

Masaya ako at maayos ang lahat ng pag-uusap.

Gusto kasi ni Jihan na simple lang at pribado ang magiging kasal namin kaya walang ilalabas sa publiko para maiwasan din daw ang mga issue, bagay na pabor sa akin.

Naintindihan naman ng aking ama ang kagustuhan ni Jihan kaya pumayag ito as long as kaming dalawa ang ikakasal.

"Nakakapressure pala ang daddy mo Hyder" wika ni Jihan kaya natawa ako.

"Ikaw ang nag-isip nito noh kaya dapat tapusin mo" pang-aasar ko sa kanya.

Nandito kami sa boutique ngayon para samahan sya na mamili ng isang simpleng wedding dress.

"Dapat kasi ininform mo muna ako, parang gusto ko na tuloy umatras" wika nya pang muli.

Ginulo ko ang buhok nya at inakbayan sya.

"Lumayo ka nga. Ang baho ng kilikili mo!" pang-aasar nya.

Sa halip na pakawalan ko sya, mas lalo kong pinaamoy sa kanya ang kilikili ko.

Wala kaming pakialam kahit na pinagtitinginan kami ng mga tao.

Wala namang malisya dahil magkaibigan kami ni Jihan at natural lang sa magkaibigan na mag-asaran.

Nilibot pa namin ang boutique para makapamili na si Jihan.

"Ito na lang Hyder oh" wika ni Jihan at nilapitan ang isang simple but elegant na white dress.

"Sure, sukatin mo na para alam natin kung kailangan ng adjustment" ani ko sa kanya at inaassist na sya ng isang sales clerk sa fitting room.

Natatawa naman ako sa kalokohan namin. Para kaming naglalaro ng kasal-kasalan.

Legal ang magiging kasal namin ni Jihan. Napag-usapan naman namin na magdidivorce kami after two years kaya okay lang na ipagpatuloy namin ni Alexa ang relasyon namin.

"Halika na, okay na" ani ni Jihan.

Nagtungo na kami sa cashier binayaran ko na ang dress na napili nya.

"Jihan?" tawag ko sa kanya ng makalabas kami sa boutique.

"Hmm Why ?" tanong naman nya.

"Okay lang ba na samahan mo ako kay Alexa?" tanong ko sa kanya.

"Why not? Tara. Nasaan ba sya?" magiliw na wika nya.

Napangiti naman ako sa sagot nya.

"Nandoon sya sa restaurant na iyon oh" ani ko kay Jihan.

Nagtungo na kami at pumasok na restaurant kung nasaan si Alexa.

Masaya ako at masisilayan ko ulit ang mukha ng babaeng mahal ko.

"Jih thank you ha" nakangiting wika ng girlfriend ko na si Alexa.

"Next time may bayad na yan ha. Mahal ang talent fee ko sa pagiging third wheel" pabirong wika ni Jihan kaya natawa na lamang si Alexa.

"Babe, pasensya ka na ha. Kung ganito ang set up natin sa ngayon" ani ko kay Alexa habang hawak ko ang kamay nya.

"Okay lang. Naiintindihan ko naman. Madami na tayong pinagdaanan kaya balewala ang dalawang taong hihintayin ko" wika naman ni Alexa sa akin.

Hinaplos ng kanang kamay ko ang pisngi nya at matamis ko syang tinitigan.

"Ehemmm" singit ni Jih.

Napalingon naman ako sa kanya nang may pagtataka.

"Pasensya na po sa istorbo. Pwede po bang mag-order ako ng pagkain ko para hindi naman po ako mapanisan ng laway dito?" ani nya kaya nagkatawanan kami.

Pinaunlakan ko naman ang request nya at tinawag ang waiter para makaorder na sya ng makakain nya.

Napaawang na lang ang labi ko nang halos mapuno ang lamesa namin ng pagkaing inorder nya at take note, sa kanya lang daw iyon at ako pa ang magbabayad.

"Sige na take your time na makapag-usap basta ako kakain lang ako dito" ani nya habang natatakam sa mga pagkain at tinikman pa isa isa ang bawat dish.

"Mauubos mo ba lahat yan?" tanong ko sa kanya.

"Syempre hindi" prangkang sagot nya.

"Huh? tapos nag-order ka ng ganyang kadami?" hindi makapaniwalang wika ko.

Nilapag nya ang mga kubyertos at diretso akong tinitigan.

"Hyder, gusto mong makasama si Alexa diba. Ibig sabihin matagal mo syang makakausap at makakasama hanggang sa maubos ko lahat ito. Ayos ba?" tanong pa nya habang sabay pa nyang tinaas taas ang dalawang kilay nya.

"Oo nga no? Matalino ka talaga Jih" masayang wika ko.

Nagpatuloy lang kami sa pag-uusap ni Alexa at nakikain na rin kami sa mga pagkaing inorder ni Jihan.

"Pag nakalipat na si Jihan sa mansion namin. Pwede kang pumunta doon anytime mahal ko" ani ko kay Alexa.

"Okay lang ba sa iyo Jihan?" tanong naman ni Alexa kay Jih.

Parang tuod lang si Jih sa tanong ng girlfriend ko. Nakatulala lang ito sa pinggan na nasa harap nya.

"Hoyy Jih, tinatanong ka ni Alexa" pukaw ko sa kanya.

"hmm? Teka lang ha. Sumasakit kasi ang tyan ko. Naimpatso yata ako. Pupunta muna ako sa rest room" paalam nya sa amin at iniwan muna kami sandali.

Natawa naman ako dahil sa nangyari kay Jih. Pinairal kasi ang katakawan kaya ayun sinakitan ng tyan.