Chapter 50

“Tao po,” tawag ng isang lalake mula sa gate nina Ella.

"Sandali lang!” hiyaw ni Ella.

Sino kaya ‘yon? Wala naman akong delivery ngayon. Saka wala naman akong darating na bisita.

Dali-daling lumabas si Ella upang tignan kung sino ang tao sa labas. Nanlaki ang mga mata nito sa gulat nang makita kung sino ang lalaking tumatawag.

“Delivery po!” nakangiting sabi ni Zander. “Para sa pinaka magandang babae sa buhay ko.” Sabay abot ng tatlong pirasong rose.

Namula ng sobra si Ella, ramdam nitong nanginit ang kanyang mga pisngi at bumilis ang tibok ng kanyang puso. Hindi rin mapigilan ni Ellang ngumiti dahil sa kanyang nakita. Naluha na lang si Ella bigla at walang mapaglagyan ng tuwa.

Dahil sa naging reaksyon ni Ella, nabahala si Zander. “Oh, bakit ka umiiyak? Hindi mo ba nagustuhan?” tanong ni Zander at lumapit kay Ella.

Nang makalapit si Zander ay agad naman itong niyakap ni Ella. “Ikaw naman kasi, akala ko kasama mo na ulit si Dennise. Hindi ko na nga maintindihan ‘yung pakiramdam ko,” um