Chapter 66

Laking gulat ni Ludwig na pagdating sa bahay ng kanyang ina, ay wala na ang kanyang asawa doon. Agad siyang tumawag sa kanilang bahay upang alamin kung umuwi room si Estella, hindi daw.

Napahilamos siya sa mukha at agad na itinapon ang kanyang cellphone. Hindi pa alam ng kanyang ina, na darating siya ng araw na iyon.

Nang mabungaran siya nito, agad umiyak ang matanda.

"Anak.. sinakyan ako ng asawa mo, isa daw akong kunsintidor na ina," niyakap ni Emie ang kanyang anak. Mabuti na lang at nakalimot na niya ang sarili, alam niyang darating si Ludwig dahil natawagan na siya ni Raquel, "galit na galit siya sa akin.."

"Saan siya nagpunta?" matiim siyang tinitigan ng kanyang anak.

"Ewan, may kausap siyang lalaki, tapos nag alsa balutan. Nagkaroon lang naman kami ng hindi pagkakaunawaan, nilayasan agad ako," malungkot niyang sagot, "nag aalala nga ako sa aking mga apo. Pero base sa kwento sa akin ni Estella, iba ata ang tatay ng bata. Hindi kaya, iyong sumundo sa kanya?" kailangan n