Chapter 28

Lahat ay nakatingin sa kanila ng mga sandaling iyon. Kanya kanyang bulungan ang mga naroroon.

"Ludwig, pinakawalan mo sina Mr. Emperial at Mr. Calderon ng dahil sa babaeng iyan?" tanong sa kanya ni Mr. Amaya, "ipinagpalit mo ang friendship ng tatay mo sa kanila ng dahil lang sa isang babae?"

"Hindi isang babae lang ang pinag uusapan natin dito, Mr. Amaya, kundi ang pagiging bully ng mga anak nila. Hindi nila pinalaki ng maayos sina Melody. Nag aalaga sila ng mga magiging halimaw! Nakikita niyo ba?" sagot niya, "kung para sa inyo ay okay lang ang ginagawa nila, bakit hindi natin subukang gawin sa mga anak niyo ang ginagawa nila sa mga kasamahan nila?"

"Pero sobra naman ata yung pakakawalan mo na lang sila ng ganun ganun na lang," sabi naman ni Mr. Rodriguez.

Kinawayan niya ang kanyang secretary, may dala itong mga folder. Ipinamahagi ito sa lahat ng naroroon.

"Kung makikita niyo diyan, nakasulat diyan ang winawaldas nilang pera, katulong ang iba nating accountant, paano ko nalaman? nao