Chapter 35

"Ho--hoy Estella, umayos ka nga!" singhal sa kanya ni Rosa, "nababaliw ka na ba? anong hindi mo kami kilala? ayusin mo yang mga sinasabi mo!"

"Nasisiraan na talaga ng bait ang babaeng iyan! halika nga dito!" hihilahin sana siya ni Luna, subalit mabilis na natapik ni Ludwig ang kamay nito.

"Hoy, mga baliw! tantanan niyo nga ang asawa ko! wala akong paki kung sino man kayong dalawa. Baka ipakulong ko pa kayo!" inis na sabi ni Ludwig sa mga ito, "umalis na kayo bago ko pa kayo ipakulong!"

"Ipakulong daw oh?" nagkatawanan pa ang magkapatid, "Luna, ipakita mo nga sa impaktong lalaking ito ang katibayan na kapatid natin siya!"

Nagmamadaling kinuha ni Luna ang cellphone, at hinanap ang kanilang mga pictures, "ito oh!"

Nangunot ang noo ni Ludwig ng makita iyon, "oh? tapos?"

"Anong tapos? ayan na nga oh, ipinakita na namin sayo ang katibayan! kaya dapat lang na iuwi na namin siya!" mayabang na sabi ni Luna kay Ludwig.

"Hindi na bata si Estella, kaya wala na kayong pakialam sa buh