Chapter 36

"A-anong ibig niyang sabihin?" tanong niya sa asawa habang pinapanood nila ang paglayo ni Ram. Parang may laman ang mga binitawang salita nito, na para sa kanya ay labis na nakakabahala.

"Wala yun, hayaan mo na lang si Ram, halika dun," inakbayan na siya ng kanyang asawa patungo sa maternity section. Ang kanyang mga mata ay habol pa rin kung saan dumaan si Ram. "Wag mo na siyang pansinin, baka may pinagdadaanan lang talaga siya."

"O-oo nga, baka nga," sumama na lang siya kay Ludwig patungo sa gusto nitong puntahan.

Nakita ng kanyang asawa ang isang kulay pink na maternity dress. Maganda talaga iyon. May Ruffles sa laylayan at puff ang mga manggas.

"Honey, maganda ito, gusto mo ba?" tanong nito sa kanya, "isukat mo kaya.."

"Oo nga no, ang ganda.. ikaw ha, may taste ka sa mga dresses, bakit kaya?" biro niya dito, "siguro noong una mong buhay, babae ka?"

"Alam mo te, feel ko rin yan," at nag inarte pa itong bakla, "palagay mo te? dati kaya akong babae? oh, baka bagay sa akin ito."

Natawa