Chapter 23

Excited na ang mean girls sa pupuntahan nilang motor bike shop. Nagulat sila sa laki ng lugar na iyon. Maganda ang facilities na parang hotel. Inilibot ng mga ito ang paningin, at hindi maiiwasang humanga ang mga ito.

"Ang ganda naman dito," sabi ng mga babaeng nakaupo sa sofa at umiinom ng isinerve na kape. "May pakape pa.

"Bibili ako kahit limang big bike," masayang masaya pa si Melody sa pagsasabi sa kanila. "Ang gwapo ng m ga ahente dito ah. Lalo na iyong nakakulay green."

"Paano mo nalaman ang lugar na ito ,Lala?" tanong sa kanya ni Mia, "mukhang Lala the explorer ka ah," nagtawanan pa ang mga hitad. Hindi na siya maooffend sa pinagsasabi ng mga ito, dahil sanay siya sa bardagulan.

Mabuti na lang at dumating na ang kanilang agent. Makisig na makisig ang lalaki. Inaya sila nito sa loob ng opisina, upang doon pumirma ng mga kontrata.

"Miss Lala, salamat naman at nagdala ka ng customer dito. May incentives ka samin," sabi nito sa kanya na hindi naririnig ng mga kasama niya.