KABANATA 81

"Mali ka lang ng narinig," pagkakaila ni Yvonne sa kanya.

Nagtagis ang mga bagang ni Alaric. Hindi siya bingi. Tama ang narinig niya.

"Is she my daughter? Don't f*cking lie to me," mahina ngunit madiin niyang banta.

Hindi ito kumibo, akmang lalayasan pa siya para itago ang bata ngunit hinaklit niya ito sa braso.

"Ano ba, Alaric! Uuwi na kami!"

Umigting ang panga niya sa narinig. Gusto niya itong batuhin ng maraming tanong tungkol sa bata ngunit ayaw niyang magmukhang masama sa harap ng batang babae.

"Mister, you're hurting my mommy," inosenteng bigkas nito.

Lumipad ang tingin niya sa batang babae. Nakatitig sa kanya ang asul nitong mga mata. Napaawang ang mga labi niya at nabitiwan si Yvonne. Agad itong lumayo at binuhat ang bata.

"Don't talk to him, Chelsea. Let's go home," dinig niyang pagbabawal nito.

Nag-isang linya ang mga labi niya noong walang lingon na pumasok sa Van si Yvonne. Natanaw niya na lang ay ang pagkaway sa kanya ng batang babae.

"Chelsea," mahinang bigkas niya sa pa