KABANATA 84

Nangilabot siya sa suhestiyon ni Nina. Hindi naman sa nag-iinarte siya pero hindi niya gagawin iyon. May boyfriend siya at may asawa ito.

"Iyang suggestion mo ang papatay sa akin, Nina." Inirapan niya ito ngunit kumibit balikat ito.

"Maniwala ka, kapag lumapit ka kay Alaric, isang pitik lang iyan ng daliri niya, lalakas na ang kumapanya ninyo. Wala man ngang isang taon pero napaka-successful na ng winery niya," pagmamayabang nito.

Hindi pa rin siya kumbinsido. Kung asawa na nga ito ni Margarita pero walang naitulong, ano pang silbi kung lalapit siya?

"Hindi na. Kakausapin ko na lang ang Daddy ko. Sa iba na lang siya magpatulong, aalis na rin naman ako ng bansa. Dito muna sina Chelsea pero ipapasundo ko sila mamaya para makauwi, Nina."

Pinipilit pa nito ang sariling suhestiyon ngunit hindi siya nakinig. Mas pinili niyang magtungo sa mansyon ng kanyang ama. Nasa tapat pa lang ng gate ay nakita na niya ang paalis na katulong. May bitbit pa itong malaking bag.

"Si Mr. Michael Montenegro p