KABANATA 86

Hindi pa rin makapaniwala si Yvonne na si Alaric nga ang bago niyang kapitbahay. Hindi siya pinatulog ng kaalamang iyon. Paggising niya ay parang hinahati sa dalawa ang ulo niya. Mabuti nga at naroon si Yaya Melly para asikasuhin si Chelsea.

Nasa sofa siya, nakasandal at dinadamdam ang sakit ng ulo niya. Hindi nga siya kumilos kahit noong dumating si Fufu.

"Mommy, Miss Fufu is here! She brought fruits and chocolates for me!" si Chelsea na naririnig niyang tumatakbo na papunta sa kusina.

Hinilot lang niya ang sentido. Lalapit din naman si Fufu.

"Anyare sa'yo? Para kang bruha diyan," bulgar na puna nito.

Napamulat siya ng mga mata. Nakapamewang na pala ito sa harap niya.

"Ang sakit ng ulo ko. Ayoko munang magshoot."

Dinig niyang napabuntong hininga ito, "Nilaklak mo yata lahat ng wine sa event."

Napalabi siya at hindi sumagot. Kasalanan ng alak na iyan kung bakit siya sumagot sa h*likan nila ni Alaric! Lalong sumasakit ang ulo niya kapag naaalala niya. Mabuti nga at hindi pa tumatawag s