KABANATA 88

Kipkip ni Yvonne ang kumot. Nakaupo lang siya sa gitna ng kama at sapo ang noo. Ngayon niya napagtanto ang nangyari. Ni hindi niya alam kung ano'ng oras na at gusto na lang niyang umuwi.

Napapikit siya nang mariin, baka mamaya ay kanina pa tumatawag si Connor. Kinagat niya ang ibabang labi matapos makonsensya. Kahit sabihing isang gabi lang ay kinakain pa rin siya ng pagsisisi pero sa tuwing maiisip na maisasalba ni Alaric ang kumpanya nila, kumakalma siya. Di bale, isang gabi lang naman at hindi na mauulit pa! Wala namang makakaalam.

"It's 3am. Here, drink this."

Napaangat siya ng tingin matapos marinig ang mga yabag nito papalapit. Nakatapis pa rin ito ng tuwalya. May bitbit itong baso ng gatas na kinairap niya. Ano tingin nito sa kanya? Buntis agad?

Hindi niya iyon kinuha kaya't nilapag nito sa bedside table. Namewang ito at mariin siyang tiningnan.

"Uuwi na ako. Bukas na lang natin pag-usapan ang pagtulong sa Daddy ko," mahinang bigkas niya.

Kanina pa niya talaga gustong umuwi kay