Kabanata 48.1

Salubong ang mga kilay ni Layla dahil kanina pa siya tingin nang tingin sa cell phone niya na para bang may hinihintay siya.

“May hinihintay ka bang tatawag sayo?” tanong ni Cyril kay Layla dahil kanina pa nila ito napapansin na tingin nang tingin sa cell phone niya.

“Wala naman,” sagot ni Layla saka niya itinago ang cell phone niya. Hindi ito ang inaasahan niya dahil inaasahan niyang isang araw lang ay magvaviral na si Scarlett pero bakit hanggang ngayon ay wala pa rin? Tatlong araw na ang nakalipas simula nang isend niya sa email ni Kaylee ang mga ebidensya na kailangan niya para kasuhan si Scarlett pero hanggang ngayon ay tahimik pa rin ang paligid niya.

Nakailang search na rin siya sa pangalan ni Scarlett sa social media niya pero magaganda pa rin ang mga lumalabas tungkol kay Scarlett.

‘Wala ba siyang planong gawin sa kabit na yun? Bakit hanggang ngayon ay ang tahimik pa rin niya?!’ naiinis na wika ni Layla sa isipan niya. Nang makita niya si Scarlett na dumaan sa harap niya ay