Kabanata 49.1

Masayang namimili ng mga groceries si Kaylee. Ipagluluto niya na naman ng mga masasarap na pagkain si Zion dahil naalala niyang dito niya rin nakuha ang pagmamahal ni Zion para sa kaniya. Hanggang ngayon ay umaasa pa rin siya na babalik ang pagmamahal ni Zion. Ayaw niyang sumuko kaagad kahit na alam niyang masyado ng malamig ang relasyon nila at hindi na siya ang priority ni Zion.

Lahat ng mga gagamitin niya sa pagluluto ay binili niya na. Hindi niya na muna inisip ang malaking pagbabago ni Zion sa pakikitungo sa kaniya dahil iniisip niya na lang na baka naninibago pa rin si Zion dahil anim na taon siyang nag-iisa sa buhay niya.

Matapos niyang mabili ang lahat ng mga kailangan niya ay nagtungo na siya ng counter at hinugot ang wallet niya sa bag niya. Hinanap niya ang mga card niya saka niya ibinigay sa counter.

Naghintay naman si Kaylee hanggang sa maswipe na ang card niya. Nakatatlong beses na iswipe ang card niya pero walang nangyari.

“Ma’am may other card po ba kayo? Decline po ka