Kabanata 50.2

Samantala naman, tila ba walang lakas na naglalakad si Zion palayo na sa kwarto ni Scarlett. Hindi niya naman napansin si Kaylee na nagtatago sa likod ng pader, natutop ni Kaylee ang bibig niya gamit ang dalawa niyang kamay para pigilan ang mga hikbi niya, para hindi siya makagawa ng ingay.

Sobrang sakit ng nararamdaman niya ngayon dahil tama siya ng hinala, may ibang babae si Zion. Umalis na rin kaagad si Kaylee at dumaan na lang siya sa exit hanggang sa makarating siya sa kotse niya. Dun niya na ibinuhos ang sakit na nararamdaman niya.

Ngayon alam niya na kung bakit ang lamig lamig na ni Zion sa kaniya dahil may ibang babae ng nagmamay-ari ng puso niya. Napahawak na lang si Kaylee sa dibdib niya dahil napakasakit ng nararamdaman niya.

Nakita niya na ang mga videos at image ni Zion at ni Scarlett. Hindi niya akalain na tama si Layla kanina dahil nasa harapan niya na ang babaeng minamahal na ng asawa niya. Sa sobrang gulat niya hindi niya alam ang gagawin niya, walang pumapasok sa isi