Kabanata 51.1

Itinuon ni Scarlett ang buong atensyon niya sa trabaho niya. Ayaw niya ng isipin pa ang tungkol kay Zion dahil pakiramdam niya ay pagod na pagod na siya. Lahat ng mga co-artist niya ay nakatulalang nakatingin kay Scarlett habang binibitiwan ang mga salita niya. Maging si Harry ay napatulala na rin kay Scarlett.

Alam na nilang lahat na magaling talaga sa acting si Scarlett, na tila ba ipinanganak siyang maging isang magaling na artista lalo na sa mabibigat na mga drama. Nakaawang na ang bibig ni Yvonne habang nakatingin kay Scarlett, kumakain siya ng burger pero nasa ere pa rin ang kamay niyang may hawak ng burger dahil lahat sila ay napatingin na kay Scarlett.

Napakabilis nang pagbagsak ng mga luha niya, ang iyak niyang tila ba totoong totoo. Ramdam na ramdam mo ang mabigat na emosyon sa kaniya, napakaganda ng pagkakadala ni Scarlett ng mga linya niya.

Mabilis na pinalis ni Yvonne at Cyril ang mga luha nila ng madala sila sa emosyon ni Scarlett sa mga linya niya.

“This is just an acti