Chapter 24: i still love you

LAYLAY ang mga balikat na naglalakad si Gianna sa hallway patungo sa silid kung saan naka-admit ang kaniyang mommy. Lutang pa rin at magulo ang isip niya dahil sa mga sinabi ng daddy niya sa kaniya na hanggang ngayon hindi niya pa rin maintindihan. Kahit anong isip niya, wala siyang makuhang sagot.

"Gianna!"

Napaigtad siya nang marinig ang galit na boses na iyon. Napaangat siya ng ulo at nagulat nang makita si Oliver na nakatayo sa gilid ng silid ng kaniyang ina.

"Sa tingin mo matatakasan mo ako? Nagkakamali ka kung akala mo makakatakas ka sa mga kamay ko." Kita niya ang galit sa mukha nito nang lapitan siya at hawakan siya sa braso. "Bakit? May pinagmamalaki ka na ba huh? Sinong lalaki ang ginamitan mo ng katawan mo para bayaran ka at lahat ng utang ng daddy mo, huh?"

"O-Oliver, ano ba? Nasasaktan ako!" Sinubukan niyang alisin ang kamay nito sa braso niya pero mahigpit iyon.

"Si Gabriel ba? Siya ba ang pinagmamalaki mo, huh? Akala mo hindi ko malalaman ang relasyon ninyong dalawa?" N