Chapter 22: good friend?

"G-GIANNA, what happened!"

Nilingon ni Gianna si Gabriel na kakapasok lang sa silid kung saan naka-admit si Nora. Umiiyak siya dahil sa takot at pag-aalala sa kaniyang ina.

"G-Gabriel!"

Agad niyang niyakap ang binata nang makalapit ito sa kaniya. Kailangan niya ng makakapitan dahil pakiramdam niya'y anumang sandali ay bibigay na siya dahil sa sunod-sunod na hirap at problemang binibigay sa kaniya ng dahil kay Oliver.

Umiyak lang siya nang umiyak habang mahigpit na yakap ang binata. Naramdaman niya ang paghaplos nito sa kaniyang likod.

"Everything will be ok, maniwala ka. You're mom is a strong woman and I know she won't leave you. Lalaban siya para sa iyo," anito.

"N-natatakot ako, Gabriel...h-hindi ko kaya kapag may nawala pa sa pamilya ko. S-sila na lang ang mayroon ako at tanging pinanghuhugutan ko ng lakas." Humagulhol na siya.

"Bukod sa kanila, nandito ako, Gianna. Hindi kita iiwan. Pwede mo rin akong maging lakas."

Naramdaman niya ang palad nitong hinaplos ang kaniyang buhok.

"H