Chapter 89

"Drake..." sinugod ako ng yakap ni Jhoanna pagkakita niya sa akin, 'buti umuwi ka na. Miss na miss na kita!"

Mukhang hindi naliligo si Jhoanna, nangangamoy isang linggo na ang pawis nito. Ang damit nito ay gaya pa rin noong damit nito noong sugurin nito si Justine ilang araw na ang nakakaraan.

"Kumain ka na ba?" tanong niya sa akin.

Inilibot ko ang aking paningin sa kabuuan ng aming condo. Madumi iyon. Parang walang pumupuntang tagalinis. Ang lababo namin ay parang may mga nabubulok ng pagkain!

"Anong nangyayari dito?" tanong ko sa kanya, "bakit parang dumpsite ang ating tahanan?"

"Ah.. eh pa-pasensiya ka na. Hindi kasi ako nagpapapunta ng tagalinis dito.. gusto kong mapag isa," sagot niya sa akin.

"Nasaan na yung iniwan ni mommy dito na makakasama mo?" tanong ko sa kanya.

"Naku, pinalayas ko na! Magnanakaw kasi," sagot pa niya, "nahuli king binubuklat ang ating gamit, kaya ayun, pinalayas ko na lang. Marahil hindi iyon uuwi sa inyo, kasi nga alam niyang malalaman niyo