Chapter 85

"Drake! Lumabas ka diyan!" sigaw ni Jhoanna sa labas ng aming gate. Kakarating ko lang mula sa hospital, hindi ko pa nasasabi ang magandang balita kina mommy, ng maamoy nito na naroon na ako, "alam ko nakalabas ka na!"

Lumabas ang aking mommy at binuksan ang gate, "hija, wag kang mag eskandalo dito," awat niya kay Jhoanna.

"Ilabas niyo ang anak niyo tita, kakausapin ko siya!" sabi ni Jhoanna, 'bakit dito siya umuwi at hindi sa akin? naghihintay ako sa kanya."

"Hija, hindi mo kasi maaalagaan ng maayos si Drake doon dahil sa kalagayan mo. Ayaw naman naming may mangyaring masama sayo at sa magiging apo ko," paliwanag niya sa babae.

Huminga ng malalim si Jhoanna, saka nagsalita, "lalong may mangyayaring hindi maganda sakin kapag hindi ko nakita ang anak niyo, tita. Wag niyo naman siyang itago sa akin."

"Hija, hindi namin siya itinatago sayo, kita mo naman, under construction pa ang aming bahay. Ikaw ang iniisip namin kaya dito muna umuwi si Drake," pinapakalma niya si Jhoanna.