Chapter 45.2

SOBRANG naiinis si Clyde nang dumating siya sa kanilang kampo. Nalaman niya kasi na dumaan lang naman doon ang Tito niya para tingnan ang lugar pagkatapos, umalis din kaagad. Ni hindi niya nga rin nakausap ito dahil hindi niya na rin naman ito naabutan.

Tiningnan niya si Allen na ngayon ay tatawa-tawang nakaupo sa silya habang nanonood ng video sa cell phone nito. Naroon sila ngayon sa isa sa mga tent nila.

"Aren't you supposed to go back to your teammates? Kanina pa dapat kayo nagsimulang mag-training."

"Kakilala mo pala Sir si Ate Calista," nakangiting sabi ni Allen habang naka-focus pa rin ang mga mata sa pinanonood. Tila hindi man lang nito binigyan ng pansin ang sinabi niya.

Dahil sa sinabi ni Allen ay nagpasya siyang alamin na lang dito ang mga gusto niyang malaman. Kinuha niya ang cell phone nito at ipinatong sa mesa. Nagtataka namang napatingin ito sa kaniya.

"Paano mo siya nakilala, Trinidad?"

"Si Ate Calista po?"

Tinanguan niya ito. "Siya nga."

"Kaibigan po siya ni Ate Aimen