Chapter 100

Natigil ang paghahampas nya kay Alexandros ng bigla sya nitong yakapin ng mahigpit. Halos hindi sya makagalaw at tanging tunog lang ng aircon sa silid na kinaroroonan nila ang maririnig.

Gustuhin man nya itulak ito, para bang walang lakas ang kanyang mga kamay. Nanlambot sya bigla ng maamoy ang paboritong pabango nito.

Ang bilis ng tibok ng puso nya.

Isang linggo.. halos isang linggo nyang hindi nakikita ito.

Kahit pa nga galit sya dito, dapat ay gumagawa ito ng paraan para suyuin sya. Buti pa ang mga kaibigan nito at kaibigan nyang si Melody. Nabibisita sya mula ng maconfine sya dito. Pero ito? ni anino hindi nya nakikita!

Tapos ngayon, papasok sa kwarto nya habang may kausap na ibang babae! Honey pa talaga ang tawag!

Sinubukan nyang kumawala sa loob ng bisig nito pero mas lalo lang nitong hinigpitan ang yakap sa kanya kaya sumobsob nanaman sya sa dibdib nito.

“Let me hug you.. kahit limang minuto. Sobrang miss na miss na kita, Elaine k-ko.” narinig pa nyang gumaralgal ang boses nito.