Chapter 99

Halos mag-iisang linggo na mula ng dalhin nila si Elaine sa clinic, mahigpit padim na pinagbabawal ng doctor nito pati ni Liam na bawal mai-stress ang dalaga. Mahina ang kapit ng baby nila sa sinapupunan nito at kapag dinugo raw ulit ito ay malaki ang tyansa na mawala ang baby nila.

Kaya kahit mahirap sa kanya, nagtitiis syang huwag pumasok sa loob ng silid nito. Nakokontento na lamang sya na pagmasdan mula sa labas ng pintuan ng silid nito kapag natutulog ito.

Sa labas nadin ng kwarto nito sya halos magkampo. Umaalis lang sya saglit para maligo at agad rin naman babalik. Ayaw nya kasing maiwanan ito ng matagal dahil natatakot sya na baka may masamang mangyari rito.

Oo, praning na kung praning.

Ayaw lang nya na mapahamak ulit ang kanyang mag-ina.

Namimiss na nya si Elaine, pero ayaw padin syang makita o makausap nito.

Sinisisi padin kasi sya nito sa pagkamatay ng ama kahit pa nga wala syang maalala. Hindi din kasi nya nakakausap pa ang kanyang ama