Chapter 106

Kanina pa sya hindi mapakali, pakiramdam nya kasi may mali. Nakailang palit na sya ng posisyon sa kama kung saan sya nakahiga ng magdesisyon syang bumangon. Naiinis na ginulo-gulo nya ang kanyang buhok. Iritable sya ilang araw na dahil hindi padin tumatawag si Alexandros.

Iniikot nya ang kanyang mga mata sa malaking silid nito. Ibang-iba na sa itsura nung una syang makapasok dito. Tinotoo kasi ni Alexandros ang sinabi nito sa kanya noon. Kinabukasan agad may mga nagpuntang tauhan at interior designer para ayusin ang kwarto nito, kahit pa nga sinabi nya na hindi naman na kailangan at okay lang sa kanya na panlalaki ang desenyo ng kwarto nito ay hindi ito pumayag. Ayon dito, hindi na lang nito 'yon kwarto, kwarto na nilang dalawa.

Hindi na sya nakatiis pa at dahan-dahan bumangon. Ma-ingat ang bawat kilos nya dahil hindi pa dapat sya naggagalaw. Mahigpit na ipinagbilin ni Doktora Honey na bedrest lamang sya dahil medyo mahina ang kapit ng baby nila ni Alexandros.

Todo bantay nga sa kany