Chapter 111

Kanina pa sya nakatayo sa harapan ng bintana sa kwarto nila ni Alexandros. Pinagmamasdan nya ang dagat habang hinahaplos ang tyan nya. Hindi nya alam, pero kapag nakikita nya ang hampas ng alon, kumakalma sya. Gustuhin man n'yang umiyak sa nasaksihan at pagtanggi sa kanya ni Alexandros kanina ay hindi nya magawa.

Kailangan nyang maging matatag.

Nang magpaalam sya sa mga tao sa ibaba na aakyat na muna at magpapahinga, nagpaalam na rin ang mga ito. Bigla raw sumama ang hangin na naaamoy ng mga ito at kaya mas mabuti pa raw na magpunta na lang sa floating restaurant. Atleast dun raw sariwa ang hangin at busog pa ang mga mata.

Napailing pa sya ng pinaghahampas ni Selena ang mga ito at sinabing wag gawing tambayan ang restaurant nito para makakita lang ng mga babaeng naka swimsuit!

Biglang nagbukas at sara ang pintuan sa kwarto. Hindi nya nilingon ang pumasok. Alam nyang si Alexandros 'yon dahil naamoy nya ang gamit nitong pabango.

Nanigas sya bigla ng yumakap ito mula sa likuran nya a