Kabanata 73

Maging si Oliver, na marami nang tao na nakasalamuha, ay nagulat sa dominanteng presensya ni Marcus.

"Mr. Jones, tingnan mo!" May nag-abot ng phone sa kanya. "Ito ang larawan ni Ms. Yelena Jenner kasama si Mr. Z Hamerton!"

"Ito ang pinag-uusapan niyo kani-kanina lang?"

"Oo!"

Tumingin si Oliver kay Yelena, na nanatiling mapagmataas at mukhang arogante.

Magalang na ngumiti si Oliver noong una, ngunit unti-unting nanigas ang kanyang ngiti.

"Ms. Jenner." Tumingin siya sa kanya. "Sigurado ka ba na si Mr. Z 'to?"

Naalarma si Yelena, at kabado siyang tumingin kay Oliver.

"P-Paanong… hindi siya 'to?" Pinilit niyang pakalmahin ang kanyang sarili. Kung sabagay, wala pang nakakita sa itsura ni Zephyr. Kahit na sa maliit na dinner lang na ito.

"Welcome-back dinner ni Mr. Z Hamerton noong araw na 'yun. Tanging mga miyembro lang ng pamilya ang inimbitahan sa Centrolis." Mukhang walang pakialam si Yelena habang nakatingin siya sa kanyang mga kuko. "Malaki ang handaan, at nagtipon do