Episode 62: Uncertainty

"Nakarating lang ng Maynila, kala mo naman kung sinong magsalita," parinig ng isang babaeng may edad na.

Napaismid naman ang isang kaedaran niya lang, "Ang y-yabang mo na, M-Maria, porket gumanda ka lang nang ganyan, kala mo kung sino ka na."

"Naku, Maria," singit ng isa pang matanda. "Ikaw lang ang usap-usapan sa buong probinsya hanggang dito sa isla. Ni hindi ka nga pinanagutan ng lalaking nakakuha sa'yo."

Kasunod nito ang pagpulasan ng mga tao nang hindi man lang siya binati sa achievements niya at mas may gana pang manlait ang mga ito sa kanya. Parang may tumarak na punyal sa kanyang dibdib nang isa-isang tumalikod ang mga ito sa kanya. Hangos namang tumakbo palapit sa kanya ang tatay niya nang makita siya.

"Diyos k-ko, anak, ba't hindi ka man lang nagpasabi na uuwi ka pala ngayon?" Yakap na siya ng ama na sinundan nito ng paghawak ng mukha niya. "Napakaganda mo. I-ikaw lang ang nag-iisang diyosa ng tribo natin."

Lalo lang siyang naiyak. Buti pa ang magulang niya, suportado s