Episode 67: Pamamanhikan

Maria's POV

"Kung hindi dahil sa tulong ni Jacob, hindi maipapatayo ang mga kabahayan dito." Naiiyak na naman ang nanay niya nang mabanggit ito. "Mas gumanda nga lalo. Kailan ba ang punta niya rito, anak, para naman makapagpasalamat ang lahat sa kanya?"

Kahit siya'y walang alam. Halos isang linggo na niyang hindi makontak si Jacob. Natatakot pa rin siya kay Benjamin dahil sa pakialamerong Blake na 'yon. Siguradong naibigay na nito ang video kay Benjamin.

"Anak, ang lalim naman ng iniisip mo."

Sa rami ng problemang kinasasangkutan, hindi niya ipapaalam sa magulang ang mga ito, "Ok lang ako, Nay, nalulungkot lang kasi napahinto ako ng pag-aaral."

Hindi niya alam kung ano ang plano ni Jacob para matulungan siya. Panibagong kontrata na naman ba ang pipirmahan niya? Sa ginawa nitong pagtulong sa tribo niya, alam niyang may kapalit ito kahit pa may tulong din sa mayor nila. Mas lamang pa rin ang naiambag ni Jacob sa maliit nilang bayan. Mas gumanda pa nga dahil dumagdag sa imprastraktu