Episode 74: Confusion

Benjami'ns POV

"So, wala ka pang balak umuwi, Ben?"

Napatingin siya sa babae sabay kunot-noo, "Bakit ayaw mo'kong makasama rito?"

Masama ang tingin niya sa lalaking nakabantay sa kanila, ang lalaking unang nagpakilala sa kanya na syota nito ang nobya niya, si Saeed. Kinumpirma naman ni Venice na nanliligaw ang lalaki rito at ito rin ang Punong Brgy. ng lugar. Muntikan na silang magsuntukan ng lalaki pero buti na lang sumulpot sa harap nila si Venice.

"Alam mo namang teacher ako ng mga kapatid nating Muslim dito, napalapit na sa'kin ang mga bata. Nakita mo naman ang sitwasyon dito, kulang sa pasilidad para matulungan sila kaya masaya akong manilbihan dito, Ben."

Naninibago siya dahil nakatago ang buhok ng nobya sa isang itim na tela. Ayon sa babae, kailangan nilang irespeto ang tradisyon at kinaugalian ng lugar na ito. Hindi niya alam kung hijab ang suot nito pero ito kadalasan ang ginagamit ng kababaihan na kanyang nakikita sa lugar.

"Wala ka bang balak umalis sa lugar na ito?