Episode 70: Back To Reality

Maria's POV

Matapos ang isang linggo, dumating na nga ang kinatatakutan niyang pag-alis para sa isang misyon na labag ulit sa kalooban niya. Pinapatatag na lang niya ang sarili at nagdadasal din siyang matapos na ito.

"Aba'y may kaunti pa naman tayong supply galing sa bigay ni Mayor, ang dami naman nito, anak." Takang tanong ng nanay niya nang isama niya ito sa bayan. "Alam ko na, galing kay Jacob ang pera, ano? Napakabait niya talaga, anak."

Kung alam lang ng nanay niya. Maaga pa lang nang ayain niya ang mga magulang kasama ang isang pinsan sa bayan para mamili at mamayang hapon, dederetso na siya ng airport pa-Maynila. Marami pa siyang oras para ipang-grocery ang magulang at ang pinsan mula sa perang naibigay ni Jacob. Sumama rin ang mga ito patungong airport pero dumaan muna sila sa Mall para kumain at mag-ikot ikot. Knapsack na bag lang ang dala niya dahil hindi siya magtatagal ng Maynila. Iyon ang bilin ni Jacob: 'wag siyang magdala ng malaking bagahe dahil sa bahay mismo ng