Episode 69: Panibagong Pagsubok

Maria's POV

"Anak alam kong masama ang loob mo dahil sa pamimilit namin ng tatay mo na tanggapin mo si Polding pero—"

Napalingon siya sa nanay niya at mabilis itong sinagot, "May punto naman kayo ni Tatay, Nay. Sa totoo lang, naging magulo ang buhay ko nang mapadpad ako sa Maynila."

Ngunit hindi siya sumuko pero nabigo siya. Masyado siyang nag-focus sa paghihiganti kay Benjamin na nakalimutan na niyang ang pangarap pala niya ang naging dahilan kung bakit nagpupursige siyang mapabilang sa scholarship. Kaso lang.... huli na, eh. Hindi na maibabalik ang lahat ng nangyari. Dumating pa siya sa puntong ipinagkaloob ang sarili sa lalaking hindi naman siya pinanagutan. Tama nga siguro ang tatay niya.

"Mabuting tao si Polding, Nay, pero kung sakaling maikasal nga kami ng legal, kukunin ko kayo. Titira kayo ni Tatay kasama kami." Wala siyang pagmamahal sa lalaking 'yon pero dahil sa kinalulugmukang problema, baka nga patulan na niya ito kahit pa nagdadalawang-isip siya. "Tsaka—"

"Maria!"