Episode 61: New Beginnings

Maria's POV

Gumaralgal ang boses niya nang magpaalam na sa lalaki, "J-Jacob... p-pasensiya ka na kung pinagdudahan k-kita."

Napangiti lang si Jacob kasabay ng pag-iling nito, "Lahat tayo may mga trust issue, Maria. I trust no one, that's the reality. Goodluck sa'yo."

Panghuling tulong na binigay ni Jacob sa kanya ang ihatid siya nito sa aiport at mula naman sa airport kapag nasa probinsya na siya, sasakay pa siya ng bus papunta sa bayan. Isang bangka naman ang maghahatid sa kanya papunta sa kanilang isla. Napuno ng kasiyahan ang puso niya nang tapikin siya ng lalaki kaya agad niya itong niyakap. Nang siya na lamang mag-isa, lumambong ang paningin niya habang binabagtas ang entrance area ng local aiport ng Manila. Nang lumingon siya sa likod niya, papaalis na rin ang sinasakyan ni Jacob kaya isang kaway pa ang ginawa niya bago tuluyang tumalikod.

Napakapit siya nang mahigpit sa inuupuan nang pumaitaas na ang eroplano. Walang kaalam-alam ang kanyang pamilya sa biglaan niyang pag-uwi