Chapter 27

SCARLETT

TAHIMIK lang ako habang lulan ng elevator papaakyat sa floor ng opisina ni Lucien. Mula kanina sa kotse ay hindi na kami muling nag usap ng lalaki. Wala rin akong balak na kausapin siya dahil naiinis ako sa kanya.

Ramdam ko rin ang pasimple niyang sulyap sa akin pero hindi ko siya binibigyan pansin.

Hanggang sa tumigil ang elevator sa tamang palapag. Pinauna ko siya na lumabas bago ako sumunod kaso lintek! Muntikan na akong mabunggo sa kanyang likod dahil sa biglaan niyang pag tigil.

Nag angat ako ng tingin at handa na sana siya singhalan kaso napansin ko ang pag titig niya sa kung saan, sumilip ako para tingnan kung bakit ba tumigil ang lalaki. At ganun na lang kabilis nagbago ang mood ko. Agad akong umayos ng tayo saka humakbang sa tabi ni Lucien.

Kaya naman pala napatigil sa paglalakad ang lalaki dahil nandoon sa waiting area si Crystal nakangiting nakatingin sa amin. Ano na naman ang ginagawa niya dito?

Lumingon sa akin si Lucien, makahulugan ko